Rruga drejt suksesit dhe famës për një artist nuk është aspak e lehtë. Nuk janë të pakta rastet kur kemi parë se si një këngëtar apo aktor ja ka nisur nga zeroja për të arritur në majë. Megjithatë nëse një artist gjen një mbështetje fillestare, sigurisht që për të është shumë herë më e thjeshtë që t’ja dal mbanë në një treg kombëtar apo ndërkombëtar. Të njëjtën gjë mesa duket po mundohet të bëjë edhe Rita Ora për artistët e rinj. Ndoshta duke kujtuar të gjithë fillimin e saj se sa i vështirë ka qenë, këngëtarja me origjinë shqiptare sadopak dëshiron që të ndihmojë pasardhësit e saj në muzikë. Ajo ka publikuar në ‘InstaStory’ një video në të cilën shihet duke ecur me makinë dhe papritur i kap syri një këngëtar që këndon në rrugë. Më pas Rita, ul xhamin e makinës dhe ndalet për të dëgjuar zërin e tij, i cili duket vërtet melodioz. “E mrekullueshme kushdo që të jesh të lutem më shkruaj”, – ka shkruar Rita bashkangjitur videos. Në fakt duhet thënë se ky gjest i këngëtares është vërtet për t’u admiruar dhe marrë shembull nga të gjithë. /revistawho.com
