Rita Orën jemi mësuar ta shohim gjithmonë me flokët bjond dhe nuk e kishim menduar asnjëherë se ajo do të bënte një ndryshim kaq drastik në ‘look’. Përpara pak orësh nëpërmjet ‘Instagram’-it ajo ka treguar se që sot e tutje flokët e saj do të jenë të kuq. Në fakt duhet thënë se nga fotografitë e publikuara, Rita duket shumë larg pamjes me të cilën jemi mësuar. Pavarësisht se këngëtarja duket shumë ndryshe, fansat e saj e kanë pritur mjaft mirë.
Pas disa orësh Rita Ora pritet të dhurojë një performancë të jashtëzakonshme në “Sheshin Skënderbej”. Gjithashtu ajo ka lajmëruar se pas Tiranës koncertet do të vazhdojnë dhe destinacioni i radhës do të jetë Verona.
