Emri i Era Istrefit tashmë është bërë i njohur në mbarë botën. Me pjesëmarrjen e saj në këngën e ‘Fifa World Cup 2018’, këngëtarja shqiptare ka arritur një sukses të jashtëzakonshëm. Bashkëpunimi i saj me Will Smith dhe Nicky Jam për ‘Live It Up’ është pritur shumë mirë nga i gjithë publiku dashamirës i futbollit dhe muzikës. Për momentin kënga është vetëm në versionin audio, sepse xhirimet po vazhdojnë ende për realizimin e videoklipit. Megjithatë Will Smith ka publikuar disa sekuenca nga prapaskenat e xhirimeve dhe një të njëjtën kohë është zbuluar edhe veshja e Era Istrefit.
Në fakt duket se veshja e saj nuk kap shifra shumë të larta, ashtu siç mund të shkonte përshtat me këngën e botërorit. Faqja e ‘Instagram’-it ‘What they wearin’ ka zbuluar se ‘body’ i firmës ‘Adidas’, të cilin Era e ka veshur në pjesën e sipërme, ka kushtuar 49.95 euro. Ndërsa sandalet i përkasin firmës ‘Saint Laurent’ dhe kapin shifrën e 1.095 eurove. /revistawho.com
