Këngëtarja me famë botërore, Rita Ora ka marrë disa ditë pushime për t’u qetësuar pas koncerteve të njëpasnjëshëm. Ajo ishte më 3 qershor e ftuar në Tiranë ku dhuroi një koncert fantastik, ndërsa një ditë më vonë ju drejtua Italisë për koncertin e radhës. Si duket nuk ka dashur të largohet shpejt nga vendi fqinj, prandaj ka shfrytëzuar disa ditë për të pushuar në brigjet e Toscanës. Me anë të disa fotove që i janë shkrepur këngëtares së njohur u hoq çdo dyshim njëherë e mirë për lidhjen e saj me djaloshin që quhet Andrew Watt.
Ata janë parë shpesh bashkë dhe supozimet flasin për një lidhje 1-vjeçare mes dy të rinjve, por pas këtyre fotove askush nuk mund të mohojë asgjë. Rita dhe Andrew janë fotografuar duke u përqafuar dhe puthur në pushimet që i bashkuan dhe duken shumë të lumtur që kanë njëri-tjetrin./revistawho.com
