Shpeshherë është përfolur në mediat rozë se kishte një krisje në marrëdhënien e dy këngëtarëve, Beyonce dhe Jay-Z. Megjithatë çifti i njohur i kanë hedhur poshtë përfundimisht këto thashetheme gjatë koncertit në turin ‘On The Run II’. Madje ata kanë zbuluar se për ta ka pasur dhe një “martesë të dytë”, duke qenë se kanë rinovuar premtimet që i kanë bërë njëri-tjetrit në martesën e vitit 2008. Ata kanë shfaqur për të gjithë fansat në një ekran gjigand një video-montazh, në të cilën shihen të veshur me të bardha dhe duke shkëmbyer betimet për njëri-tjetrin.
Në 4 prill të këtij viti Beonce dhe Jay-Z festuan 10-vjetorin e martesës së tyre. Tema e këtij turneu koncertesh ishte ‘kjo është dashuri e vërtetë’, duke deklaruar edhe njëherë se martesa e tyre është më e fortë se kurrë më parë. Megjithatë gjatë koncertit kishte dhe disa pjesë nga tradhëtia e Jay-Z, gjë që thuhet qartë edhe në albumin ‘Lemonade’ të Beyonce. Gjithsesi të dy e kanë kaluar atë periudhë të errët dhe të vështirë në marrëdhënien e tyre.
Kjo gjë u vu re edhe në performancën e dy këngëtarëve, në sytë e të cilëve lexohej një dashuri e madhe për njëri-tjetrin. /revistawho.com
