Dita e sotme ka sjellë disa materiale muzikore të reja, e ndër to më ‘i paprituri’ qe ai mes Alban Skënderaj dhe Noizyt. Kënga u quajt “Drejt suksesit” dhe fabula e saj ishte një mesazh i fortë për të gjithë ata që nuk po gjejnë rrugën e duhur. Publiku duket se e ka pëlqyer shumë, prandaj Albani nuk nguroi të shkruajë dy fjalë për këtë projekt. “Faleminderit nga zemra të gjithë atyre që besuan se kjo këngë dhe ky mesazh mund të shkonte tek çdo njeri, çdo vend e çdo zemër! Faleminderit Noizy që bashkove zërin tënd me timin për të mbërritur tek sa më shumë shqiptarë e sidomos tek të rinjtë që sot janë pa orientim dhe pa frymëzim për të ardhmen e tyre. Faleminderit nga zemra Ajola Xoxa që me vizionin dhe kreativitetin tënd të pashtershëm i dhe jetë dhe fytyre kësaj kënge në mënyrën më të bukur të mundshme”,- ka qenë një pjesë e dedikimit të Albanit për të gjithë ata që bën gjithçka të mundur./revistawho.com
