Pilates është një disiplinë që po përqafohet gjithmonë e më shumë në mbarë botën. Ajo ka në qendër natyrën, energjinë që mund të marrim prej saj dhe qetësinë në shpirt dhe mendje. Pikërisht bazuar në disiplinën e lartpërmendur u ndërtua një fundjavë e magjishme me vajzat e ekranit, në datat 9-10 qershor.
Aktiviteti u organizua nga brand-i i parë shqiptar i veshjeve sportive dhe u quajt “Relax & Recharge with Pilates by COHL’S”. Emrat më të njohur të ekranit nga fusha të ndryshme, moderatore, këngëtare apo aktore u bënë pjesë e aktivitetit në brigjet e Dhërmiut. Pjemarrëse ishin: Viola Spiro, Klea Huta, Kejsi Tola, Arjola Shehu, Kiara Tito, Sara Kolami, Kristina Bakiu dhe Xhesika Trola.
Komoditeti që ju ofrua vajzave gjatë gjithë fundjavës ishte i mahnitshëm dhe në qendër ishte qetësia dhe një kohë e kaluar bukur mes detit, fotove dhe shoqërisë së mirë. Duhet theksuar se për secilën prej tyre është dhuruar një çantë me veshje sportive dhe veshje plazhi të personalizuara sipas stilit, ngjyrës së lëkurës, dhe fizikut të secilës.
Sigurisht nën firmën e COHL’S. Dy ditët janë shoqëruar me pushime buzë detit, cocktail, ushqim të mirë foto dhe muzikë. Për të mos harruar zhvillimin e dy orëve të veçanta të ‘Pilates’ që kanë filluar me stretching dhe ka vazhduar me ushtrime të tjera në qiell të hapur./revistawho.com
