Përpara pak ditësh në mediat rozë qarkulloi një lajm se Kastro Zizo shumë shpejt do të martohej. Shkak i kësaj u bë një fotografi e publikuar në ‘Instagram’, në të cilën Kastro shihej i ulur në gjunjë duke i propozuar një vajze.
Por mesa duket edhe këtë herë ky lajm ka qenë i rremë, i stisur nga vetë Kastro. Ditën e sotme kantautori, ishte i ftuar në emisionin ‘Fun Day’ dhe tregoi se si qëndron e vërteta. I pyetur nga moderatorja, Fatma Methasani, se cila është vajza që ai i ka propozuar, Kastro tha: “Ajo është ‘Miss Shqipëria 2016’”.
Më tej ai ka shtuar me shaka se vajza në fotografi është shqiptare që jeton në Greqi, ndërsa vetë Kastro do të dëshironte të martohej me një vajzë greke. Kështu me këto fjalë dhe humorin që e karakterizon, Kastro i ka hedhur poshtë thashethemet dhe ka shuar edhe njëherë tjetër shpresat për një martesë të mundshme. /revistawho.com
