Fëmijët e vegjël shpesh herë janë shumë energjikë. Me rritjen ata janë gjithmonë në kërkim të diçkaje të re dhe të zbulimit të gjërave. Sigurisht që çdo prind mundohet të kujdeset për ta kur dalin, por ata duhen ruajtur edhe në shtëpi. Mund ta mendoni shtëpinë si vendin më të sigurt, por nuk është. Mjafton një moment shpërqendrimi për të ndodhur diçka që do vinte jetën e tyre në rrezik. Prandaj është mirë të merrni disa masa për ta bërë shtëpinë një vend të sigurt për ta.
-Mos ju referoni ilaçeve si ‘karamele’. Me siguri e keni thënë për tua mbushur mendjen kur nuk pranon të konsumoj një mjekim, por nuk duhet ta bëni. Mund të ndodhë që ato kokrra të bien në duart e tyre dhe të konsumohen si karamele.
-Mos i lini fshirëset e pluhurave në një vend ku mund të merren prej tyre. Ata mund t’i përdorin për të fshirë fytyrën.
-Nëse përdorni shpëlarës dhëmbësh, sigurohuni të mos arrihet nga fëmijët. Ata mund ta konsumojnë pa e ditur çfarë është.
-Cigaret elektronike nuk duhet kurrsesi të jenë në kontakt me fëmijët. Duket sikur nuk janë njëlloj si cigaret normale, por kanë gjithsesi substanca të dëmshme.
-Kujdes nga miqtë apo të afërmit që të vizitojnë. Në një mënyrë ose në një tjetër duhet tua bësh të qartë ku ndodhen gjëra të caktuara dhe pse nuk duhen lëvizur që aty./revistawho.com
