Xhesika Polo është një ndër këngëtaret shqiptare me vokalin më potent. Këngëtarja ka sjellë gjithmonë për publikun këngë të veçanta dhe me kuptim. Së fundmi Xhesika ka publikuar këngën e saj më të re ‘Vetëm një fjalë’, në qendër të së cilës është një histori e dhimbshme dashurie. Për të promovuar këtë këngë, Xhesika ishte e ftuar në emisionin ‘Rudina’.
Pavarësisht se këngëtarja nuk pëlqen të flasë shumë për jetën private, ajo nuk mund t’i shpëtonte disa pyetjeve për historinë e saj të dashurisë. Xhesika ka thënë se kënga nuk ka aspak lidhje me jetën e saj private, pavarësisht se ajo e ka shkruar vetë tekstin. Megjithatë moderatorja e emisionit, Rudina e ka ngacmuar më tej që Xhesika të tregonte diçka më tepër.
“Unë jam shumë e dashuruar, por asnjëherë nuk kam folur për jetën time private dhe për një kohë të gjatë, derisa të ndihem komode me këtë gjë, kam vendosur të mos flas”, – ka thënë këngëtarja. Ndërsa Rudina ka shtuar se Xhesika dallohet lehtësisht që është e mbushur plot me dashuri. “Më shkëlqejnë sytë”, – ka shtuar Xhesika. /revistawho.com
