Mes miqve më të mirë dhe pranë vendit të lindjes, Klajdi Haruni ka festuar 30-vjetorin e lindjes së tij. Në një ditë kaq të rëndësishme nuk ka se si të mungojnë festimet dhe mbi të gjitha urimet e përzemërta. Disa nga miqtë e Klajdit, kanë publikuar në rrjete sociale momente të ndryshme nga festa, ku duket se të gjithë e kanë shijuar pafund.
Sigurisht që në ditëlindjen e këngëtarit korçar, nuk kishte si të mos këndoheshin disa serenata korçare, tradita më e vjetër dhe e njohur e qytetit. Ndërsa urimet më të veçanta erdhën nga bashkëpunëtorët dhe miqtë e tij të “Threedots”, Flori Mumajesi dhe Bruno. Të dy publikuan të njëjtën fotografi nga festa dhe me fjalë që dalin nga zemra zgjodhën të uronin mikun e tyre. “Kohët e vështira na bëjnë dhe më të fortë, kohët me lumturi si sot na motivojnë…Gëzuar ditëlindjen vëllai im. Me fat që të kam”, – ka shkruar Flori.
Ndërsa bashkëpunëtori më i fundit në muzikë me këngën “Mbase”, Bruno ka shkruar: “Gëzuar ditëlindjen shpirti im. Jam me fat që je pjesë e jetës sime”. /revistawho.com
