Ndarja e një prej çifteve më të dashur në botë bëri bujë të madhe kur u bë publike. Zhurma që u krijua pas divorcit të Brad Pitt dhe Angelina Jolie vazhdon edhe sot, pasi një gjyq është hapur për kujdestarinë e fëmijëve. Aktorja e njohur e ndalon ish-bashkëshortin të takojë fëmijët, prandaj ky i fundit po bën çdo gjë që të marrë të drejtën e takimit me ta.
Së fundmi US Weekly ka siguruar dokumente të gjykatës ku janë zbuluar të dhëna interesante nga ecuria e gjyqit. Sipas tyre konfrontimi nuk ka ndërmend të mbarojë dhe lufta mes Jolie dhe Pitt vetëm po ashpërsohet. Gjykatësit janë të mendimit se nëse fëmijët nuk do të kenë një raport të mirë me të dy prindërit do të ketë një dëm të madh psikologjik për ta.
Më tej bëhet e ditur se kujdestaria aktuale që e zotëron Angelina është në rrezik. Nëse ajo nuk i lejon fëmijët të takojnë babin e tyre dhe të qëndrojnë për një kohë të konsiderueshme me të, do ta humbë kujdestarinë përfundimisht. Mesa duket Brad Pitt nuk do rrijë më në heshtje dhe lufta sapo ka nisur!/revistawho.com