Në tetor të 2016-tës Kim Kardashian u përball me një situatë aspak të këndshme ne kryeqytetin francez, Paris. 5 meshkuj të veshur me maska hyn në dhomën e hotelit dhe i morën pothuajse të gjitha bizhuteritë, një ngjarje që e tronditi pa masë yllin e ‘Keeping Up With The Kardashians’. Megjithatë pas dy vitesh, Kim u rikthye sërish në Paris për të marrë pjesë ne sfilatën e sezonit të ‘Louis Vuitton’.
Të gjithë janë habitur, sepse pas grabitjes ajo deklaroi se nuk do të kthehej më për 10 vite në Paris. Megjithatë këtë herë Kim u shfaq në rrugët e qytetit pa asnjë lloj bizhuterie në qafë apo duar. Për më tepër ajo është pritur në mënyrën më të mirë të mundshme, e rrethuar nga kamerat dhe gazetarët. Për këtë rikthim, Kim kishte zgjedhur të vishte një xhaketë në ngjyrë të kaltër, ndërsa Kanye kishte vendosur të vishej sportiv. /revistawho.com
