Bota e muzikës u trondit pak ditë më parë kur në media u dha lajmi për vdekjen e XXXTentacion, reperit me famë botërore i cili u vra me gjakftohtësi në Miami. Identiteti i personit që ka qëlluar për vdekje 20-vjeçarin u zbulua dhe tashmë personi në fjalë është arrestuar.
Sipas TMZ ai quhet Dedrick D. Williams dhe është 22 vjeç. Ai është akuzuar për vrasje, por në dosjen penale figurojnë edhe krime të tjera si vjedhje apo drejtim automjeti pa leje. Megjithatë ende nuk bëhet e ditur nëse policia po kërkon të tjerë të dyshuar. Shkaqet që e çuan drejt aktit tragjik nuk janë zbuluar akoma./revistawho.com
