Këngëtarja Rezarta Shkurta e dashuruar pas imazhit dhe fotografisë duket se ka vendosur të mos publikojë më asgjë që ka lidhje me vajzën e saj. Por një material ku Hera i thotë mami Rezit se e ka motër, princeshë dhe star, e ka tunduar këngëtaren dhe e ka ndarë me ndjekësit e saj në “Instagram”.
“Isha betuar se nuk do e publikoja më vogëlushen time! Po sa e vështirë t’i rezistosh! Sa emocion kur gjen video të vjetra. Hera 2 vjeç e pak, look-u i saj post plazhi. Përkthimi: Motër, Star, Princeshë”- ka shkruar këngëtarja bashkangjitur pamjeve të publikuara.
Por kanë kaluar shumë pak momente dhe Rezarta është penduar për këtë veprim sepse e ka fshirë sërish videon./revistawho.com
