Këto ditë ka qenë ndër emrat më të lakuar në media, për shkak të lëvizjes në televizione. Megjithatë Rudina Xhunga ka preferuar të qëndrojë larg dhe madje duket se fjalët nuk kanë ndikuar aspak për të vazhduar pushime të qeta. Këto ditë të nxehta e kanë gjetur mes familjes së saj, sidomos me të voglën, Alana.
Por sot ka qenë dita më e veçantë për gazetaren, sepse feston ditëlindjen e saj. Përpos gjithë urimeve që mund të ketë marrë, më të bukurin dhe emocionuesin me siguri Rudina duhet ta ketë marrë prej vetes. Në këtë ditë ajo ka kujtuar se në jetë mund të ketë arritur shumë gjëra, por arritja më e madhe për të është vogëlushja e saj, Alana. “Alana më pyeti, sot: ‘Ku ishte bota, ma, para se të lindje ti?’. Aty ku ka qenë dhe do jetë, Alanushe, para dhe pas meje. Unë, vetëm e bëra më të bukur, kur të solla ty, ndaj sot mbush aq vjet, sa ke ti, 5.”, – ka shkruar Rudina. Për më tepër duket se këtë ditë Xhunga ka vendosur ta festojë mes të vegjëlish, një arsye më shumë për t’u ndjerë ende si një 5-vjeçare. /revistawho.com
