Pak kohë më parë në mediat rozë shpërtheu lajmi se këngëtari i grupit ‘West Side Family’, Roland Hysi do të bëhej baba për herë të parë. Megjithatë pas të gjitha aludimeve që filluan të ngriheshin, Landi nuk preferoi të fliste.
Por së fundmi i ftuar në emisionin ‘Mirage’, Landi ka treguar se si qëndron e vërteta. Këngëtari tha se në fakt ai ishte një lajm që u transmetua ndryshe dhe se nuk do të ketë një fëmijë në të vërtetë. “Landi përgënjeshtron zërat”, – ka shtuar duke qeshur kolegu i tij i grupit, Miri. Megjithatë përsa i përket jetës private Landi ka thënë: “Jeta private mirë është shyqyr Zotit”.
Ndërsa sa për pjesën profesionale Landi dhe Miri kanë thënë se shumë shpejt do të vijnë me dy projekte të reja që do të publikohen gjatë verës dhe sigurisht që do të jenë shumë ritmike. /revistawho.com
