Dita e djeshme u shoqërua me rreshje shiu në shumë zona të vendit. Në kryeqytet pati rreshje dhe erëra të forta të cilat shkaktuan edhe përmbytje. Por duket se moti do të vazhdojë të jetë i tillë edhe përgjatë fundjavës. Ditën e sotme mëngjesi ka nisur i vranët dhe priten të fillojnë rreshjet e shiut. Ndërsa mesdita, sipas “Meteoalb” do të ketë rreshje lokale ku më shumë do të preken zonat jugore. Pasditja e të shtunës do të sjellë vranësira më të pakta dhe përmirësim të temperaturave, kështu do të vazhdojë edhe paraditja e së dielës. Ndërsa në mesditë do të kemi sërish shira të izoluar dhe vranësira. Temperaturat mesatare do të jenë mesatarisht 26 – 27 gradë celsius./revistawho.com
