Dy aktorët e njohur, Romir Zalla dhe Suela Bako krahas profesionit kanë jetuar me njëri-tjetrin edhe momentet më të bukura të dashurisë. Ata të dy janë njohur në një moshë shumë të vogël bashkë dhe duket sikur janë rritur me njëri-tjetrin. Të ftuar disa muaj më parë në emisionin ‘Rudina’, Romiri dhe Suela kanë rrëfyer se të dy kanë jetuar në të njëjtën lagje, por profesioni i ka lidhur më shumë.
“Në lidhjen tonë ka ndikuar fakti që kur kam hyrë në ‘Akademinë e Arteve’ më kërkoi që ta ndihmoj. Nga viti i dytë kur na lidhi puna dhe gjëra që janë shumë të rëndësishme për ne, u dashuruam”, – ka thënë Romiri. Ndërsa sot ata festojnë një nga ditët më të rëndësishme të dashurisë së tyre, momentin kur Romiri ka kërkuar dorën e Suelës tek prindërit e saj. Aktori ka publikuar një fotografi pranë bashkëshortes së tij, ku të dy duken të dashuruar njësoj si në ditën e parë. “Si sot 18 vite më parë piva kafet e vogla tek shtëpia e kësaj gocës”, – ka shkruar Romiri bashkangjitur fotografisë. Tashmë ata kanë dhe një familje shumë të lumtur me dy fëmijët e tyre, Kaltrinën dhe Hermesin. /revistawho.com
