Këngëtarja e njohur Bleona Qereti, prej shumë vitesh është zhvendosur drejt Amerikës për të ndërtuar jetën dhe karrierën atje ku çdokush do të jetë. Tani pas kaq shumë vitesh kur siç vetë ajo tregon, karriera ka marrë rrugën e duhur ajo është rikthyer në Shqipëri për pak ditë dhe i është përgjigjur çdo pyetje në intervistat që ka dhënë. Në të fundit që ka dhënë për ‘Revista Class’, Bleona zbulon disa detaje shumë interesante për jetën e saj.
Një nga pyetjet që i drejtohet lidhet me fenomenin ‘Kardashian’, a do të pranonte të niste një emision televiziv të atij lloji dhe çmendim ka për ta. “Nëse do të më ofrohej një format i tillë nga mediat shqiptare, do ta bëja me kënaqësi. Sepse unë jam shumë e vërtetë në gjërat që them dhe kam një jetë shumë intensive. Besoj se njerëzit do të argëtoheshin. Për fenomenin “Kim”, kam vetëm një fjalë. Bravo! E nisi aty ku e nisi dhe tani është në kopertinat e “Forbes” dhe “Vogue”. Njerëz që kanë pasur skandale të tipit “Kim”, në Shqipëri nuk kanë më karrierë. Por “Kim-i” amerikan sot idealizohet dhe “Kim-rat” shqiptare “turpërohen” dhe “gjuhen me gurë” nga të njëjtët njerëz që idealizojnë “Kimin amerikan”. Më vjen keq për këtë dyfytyrësi”,-ka thënë ajo.
Ndërsa për të preferuarën ndër shqiptaret që tashmë e kanë shkruar emrin në listën e sukseseve botërore, Bleona ka treguar se pëlqen shumë Dua Lipën dhe Bebe Rexhën. “Për Dua Lipen kam shumë respekt dhe Bebe Rexha ka një talent të jashtëzakonshëm dhe këngë shumë të bukura. E dua shumë”,-ka treguar ajo. Ndërsa Rita Orën u duk se e injoroi./revistawho.com
