Një pjesë e madhe e fansave të familjes mbretërore u mahnitën pas dasmës së Princit Harry me Meghan Markle. Megjithatë duket se jo të gjithë e pëlqejnë që Meghan të jetë pjesë e oborrit mbretëror. Një mik shumë i afërt i Princit Charles, Nicky Haslam në një intervistë për ‘Daily Mail’ është shprehur kundër Meghan Markle dhe familjes së saj.
“Ata janë persona shumë të zakonshëm”, – ka thënë Nicky, veçanërisht për babain e Meghan. “Do të ishte shumë e shëmtuar nëse babai i saj do të merrte pjesë në dasmën mbretërore”, – ka shtuar ai. Gjithashtu Nicky nuk nguroi aspak të komentonte edhe fustanin e martesës së Meghan.
“Nuk më pëlqeu shumë fustani i saj, dukej si kur nuk shkonte shumë me gjërat e tjera. Duhej që të bëhej nga një material më i hollë, sepse ashtu dukej sikur ishte bërë prej betoni”, – ka thënë ai. Megjithatë Nicky Haslam nuk është i vetmi që flet në këtë mënyrë, sepse ka dhe shumë të tjerë që nuk mund janë të kënaqur me Meghan dhe problemin më të madh e kanë me babain e saj. /revistawho.com
