Mëngjesi i kësaj dite të mërkurë e gjeti Era Istrefin duke punuar në studio dhe duke festuar ditëlindjen në të njëjtën kohë. Megjithatë këngëtarja shqiptare, tashmë me famë ndërkombëtare, ka arritur të gjejë kohë edhe për t’ju përkushtuar vetes në këtë ditë të rëndësishme. Ajo nuk ka pritur që të tjerët t’i bëjnë dhurata të shtrenjta, por ka vajtur në firmën më të njohur në botë dhe ka blerë çdo gjë sipas shijes së saj. Era ka publikuar në ‘Instagram’ disa fotografi në të cilat shihet e ulur në një pjesë të dyqanit të ‘Chanel’. “Duke i blerë vetes disa dhurata”, – ka shkruar ajo bashkangjitur fotografisë.
Më pas ajo ka falënderuar firmën prestigjioze dhe ka treguar çantën e dhuratave për veten. Normalisht pas gjithë atyre sukseseve të njëpasnjëshme e meritonte që t’i bënte vetes të tilla dhuratash. /revistawho.com
