Aktorja meksikane, Angelique Boyer është bërë shumë e njohur në Shqipëri me rolet e saj në disa nga telenovelat më të njohura. Mund të përmendim këtu serialin ‘Teresa’, ‘Rebelde’ apo ‘Pasion i rrëmbyer’. Angelique cilësohet si një ndër aktoret më simpatike dhe pavarësisht se koha kalon ajo mbetet e njëjtë.
Ditën e djeshme aktorja ka festuar 30-vjetorin e lindjes dhe përveç surprizave nga partneri i saj, Sebastian Rulli, ka marrë edhe shumë dhurata të veçanta nga fansat e saj. Ata kishin përgatitur një tortë të personalizuar me trupin dhe fytyrën e aktores. Përveç kësaj, Sebastian publikoi në ‘Instagram’ disa fotografi, në të cilat shihet se adhuruesit e tyre kishin përgatitur edhe disa kartolina si në formën e një libri me fotot më të bukura të çiftit të aktorëve. /revistawho.com
