Ditën e djeshme Eni Koçi festoi ditëlindjen e saj të 22-të. Gjatë kësaj dite speciale nuk munguan dhuratat dhe surprizat nga miqtë më të afërt të këngëtares.
Por ra në sy se në festën e saj, mungonte këngëtari tjetër Genc Prelvukaj, me të cilin Eni përflitet prej disa muajsh për një lidhje. Megjithatë Genci nuk kishte se si të mos ishte i pranishëm në ditëlindjen e Enit, sepse të dy kanë festuar gjatë mbrëmjes së bashku. Madje të dy këngëtarët nuk kanë nguruar të publikojnë fotografi pranë njëri-tjetrit në rrjete sociale.
Ata kanë festuar në një nga baret në kryeqytet dhe Genci mund të ketë ardhur posaçërisht në Tiranë për ditëlindjen e Enit. Këto fotografi ndoshta mund të vërtetojnë më së miri se dy këngëtarët kanë një lidhje shumë të fortë me njëri-tjetrin. /revistawho.com
