Me përfundimin e kampionatit botëror, ka ardhur edhe fundi i emisionit shumë të ndjekur ‘Top Arena’, ku çdo mbrëmje të ftuar të ndryshëm diskutonin mbi ndeshjet e ‘Rusi 2018’. Një nga të ftuarit specialë të puntatës finale ishte edhe kryebashkiaku i Tiranës, Erion Veliaj, i cili përveç futbollit nuk mund t’i shpëtonte pyetjeve mbi shtatzëninë e Ajolës. “Ndjesia më e bukur që kam provuar ndonjëherë në jetë”, u shpreh ai për faktin që shumë shpejt do të bëhet baba për herë të parë. Erioni zbuloi edhe një detaj të këndshëm, duke rrëfyer se ushqimi i preferuar i Ajolës në këto ditë pritjeje të ëmbël është spinaqi. Po ashtu ai tregoi se janë shumë afër gjetjes së emrit për djalin që do të vijë shumë shpejt në jetë.
Shtatzënia e Ajolës është ndjesia më e bukur për Erionin, kryebashkiaku zbulon ushqimin e preferuar të saj në këto ditë pritjeje
