Tuna Sejdiu dhe Ylli Limani përveçse janë kolegë në muzikë, ndajnë dhe një miqësi shumë të mirë . E kemi parë shpesh se ata të dy i gjenden gjithmonë pranë njëri-tjetrit, madje Ylli ishte ndër të vetmit personazh publikë i ftuar në ditëlindjen e parë të djalit të Tunës dhe Patrisit. Pavarësisht se angazhimet e tyre në muzikë mund të jenë të shumta, takimet mes njëri-tjetrit ata nuk i lënë asnjëherë pas dore. Por Ylli, përveçse me Tunën ka krijuar miqësi shumë të mirë edhe me vogëlushin Tian. Tuna ka publikuar në ‘Instagram’ një video të shkurtër, në të cilën Ylli shihet duke luajtur dhe përkëdhelur Tianin.
Në fakt duhet thënë se takimet mes dy këngëtarëve nuk janë krejtësisht të rastësishme, sepse ata po bashkëpunojnë së bashku për këngët që Tuna pritet të publikojë së shpejti. Burime pranë ‘Revista Who’ kanë zbuluar se Ylli Limani është tekstshkruesi i këngës së re të Tunës. Është e sigurt se ku ka miqësi të mirë edhe frytet e bashkëpunimit do të jenë të suksesshme. /revistawho.com
