Këngëtari Blero ditën e sotme feston ditëlindjen e tij të 40-të. Mes urimeve të shumta nuk mund të mungonte ai i të fejuarës së tij Afrona Dika, e cila ka zgjedhur ta urojë nëpërmjet një postimi në ‘Instagram’. Afrona ka zgjedhur një kolazh fotosh të çiftit ku shfaqen mjaft të lumtur dhe krahas tyre bën dedikimin romantik.
“Urime ditëlindjen për dashurinë time të vërtetë! Ti më njeh më së miri dhe i di ëndrrat e mia. Festofshim shumë ditëlindje bashkë”, ka shkruar modelja.
Kujtojmë se vitin e kaluar Blero mori për ditëlindje një surprizë të madhe të organizuar nga vetë Afrona. Dyshja janë përfolur shpesh për krisje të marrëdhënies së tyre, megjithatë ja kanë dalë mbanë që t’i rezistojnë dhe të venë dashurinë të parën. /revistawho.com
