Endri dhe Stefi Priftin i kemi parë gjithmonë duke ndarë skenën së bashku. Duke qenë se ata plotësohen më së miri me njëri-tjetrin, bashkëpunimet me artistët e tjerë janë të pakta. Megjithatë ata gjithmonë kanë shprehur dëshirën për të tilla projekte. Gjithsesi duket se ata preferojnë që bashkëpunimet të ngelen brenda të njëjtit zhanër muzikor. Dy vëllezërit korçar ishin të ftuar në emisionin ‘Pushime On Top’, ku folën për pushimet me familjarët e tyre dhe projektet për të ardhmen.
Kur u pyetën nëse do të bashkëpunonin me Encën ose Kidën, ata u përgjigjën: “Ne i duam dhe i respektojmë të gjithë për aq sa meritojnë. Por këngën e re do ta realizojmë me mikeshën tonë të dashur, Eli Fara”. Ndoshta është i vështirë një bashkëpunim i tillë, duke qenë se artistët i përkasin brezave të ndryshëm dhe janë rritur me një kulturë tjetër muzikore. /revistawho.com
