Që Kylie Jenner është kthyer në një fenomen nuk ka më dyshime. Ajo është padyshim 20-vjeçarja më e komentuar në botë. Që prej ardhjes në jetë të Stormi, vajzës së saj, jeta për bukuroshen e ekranit ka marrë tjetër rrjedhë. Ajo madje ka marrë vendime drastike, duke përfshirë këtu edhe heqjen dorë nga ‘lip filler’ për t’u kthyer në natyrale. Të gjithë menduan se Kylie e mori këtë vendim sepse ishte frymëzuar nga e bija dhe partneri, por kjo nuk është e vërtetë.
Imazhi që po përpiqet të krijoj ajo lidhet me biznesin. Bazuar në burime pranë familjes Kardashian-Jenner, ‘Hollywood Life’ ka treguar se Kylie po përpiqet të krijojë një imazh serioz, të një biznesmeneje. Ajo është e sigurt se nëse heq dorë nga këto gjëra të vogla, njerëzit do e marrin seriozisht, pasi është lodhur duke qenë një yll televiziv. Kujtojmë se pak javë më parë edhe njëherë tjetër Kylie u kthye në kryefjalën mediatike, pasi u bë pjesë e kopertinës së prestigjiozes ‘Forbes’ për pasurinë gjigande që zotëron në moshë fare të vogël.
Kjo kopertinë u diskutua shumë, madje u quajt e blerë, pasi thuhej që mënyra si ishte trajtuar Kylie si imazh nuk ishte reale./revistawho.com
