Ju kujtohet nishani në faqen e Eli Farës? Këngëtarja tregon se çfarë e shtyu për ta hequr

Me siguri të gjithë e mbani mend Eli Farën në fillimet e saj gjatë viteve ’80 -’90 dhe nishanin që binte në sy në fytyrën e saj. Pas disa vitesh nishani u zhduk dhe askush nuk e kuptoi si ndodhi gjithë ai ndryshim në pamje. Pas kaq shumë vitesh Eli vendosi të tregonte se çfarë e shtyu të hiqte nishanin. E ftuar në emisionin ‘Një kat më lart’, këngëtarja tregoi: “Kur xhiroja klipet me regjisorin Pali Kuke në 1997, ai ishte i pa kënaqur me profilin. Nishani ndryshonte formën, filloi të zmadhohej, nuk kishte më bukurinë e fillimit. Që atëherë thashë nuk e dua më, si do t’ja bëj më këtë nishanin. Ishte koha e luftës në Kosovë dhe takoj një mjek të famshëm të Kosovës. Sa e takova më tha ‘Sa herë të kam parë, kam thënë do t’ja heq nishanin’”. Më pas në një klinikë private në Maqedoni, e kishte hequr nishanin me djegie. /revistawho.com