Prej kohësh është bërë e ditur se aktori shqiptar Nik Xhelilaj është pjesë e serialit më të ri historik në Turqi, nën emrin ‘Kryeqyteti: Abdylhamit’. Por përpara se ky serial të sillet në Shqipëri për publikun, është publikuar filmi më i ri turk në të cilin Nik ka rol protagonist. Filmi quhet “Direnis Karatay” dhe ka tematikë historike. Disa sekuenca nga ky projekt aktori shqiptar i ka publikuar në ‘Instagram’ dhe theksin e ka vënë te modeli i flokëve, i cili duhet thënë që fiton shumë vëmendje.
Ai ka shkruar se ka një parukier shumë “të paparë” dhe kjo reflektohet dukshëm në punën që ka bërë. Aktorin do e shohim këtë herë më ndryshe se çdo herë tjetër në petkun e një luftëtari. Kujtojmë se karriera e Nikut prej vitesh po zhvillohet mes Gjermanisë dhe Turqisë./revistawho.com
https://www.instagram.com/p/BmBXaeqFh_4/?utm_source=ig_share_sheet&igshid=db5nk0im3xbu
