Ditën e djeshme u publikua në ‘Youtube’ bashkëpunimi më i ri muzikor i Dafina Zeqirit dhe Lumi B. Kënga mban titullin “Kalon” dhe që në minutat e para mori mijëra klikime dhe komentet e fansave ishin mjaft pozitive. Por në tentim për t’ia frenuar suksesin, dikush ka raportuar këngën në ‘Youtube’ duke bërë që për disa orë kënga të fshihej. Lidhur me këtë Lumi B ka reaguar në një postim në ‘Instagram’ ku tregon për problemin dhe lajmëron se shumë shpejt kënga rikthehet.
“E kemi djegur edhe pa ‘Youtube”. Juve qe ju pengon suksesi jonë edhe që ne e dimë kush jeni, hajde se ju kalon. Kënga kthehet shumë shpejt”,- shkruan Lumi.
Nuk dihet për kë mund ta ketë pasur reperi por duket se bëhet fjalë për rivalitet mes kolegëve. Teksa mbesim ende kuriozë mbi emrat e mundshëm, s’na mbetet gjë tjetër pos ta shijojmë këngën që tashmë është rikthyer. /revistawho.com
