Arjola Shehu largohet nga ‘Klan’, së shpejti me një projekt të ri

Debutimin e saj të parë si prezantuese Arjola Shehu e pati në ‘InTv’ si moderatore e emisionit ‘Tek unë’. Më pas ajo lëvizi në televizionin ‘Klan’ për të drejtuar një emision të ri, “Kush Vjen për drekë”, i dedikuar VIP-ave dhe kuzhinës. Por duket se pas një sezoni të suksesshëm, Arjola do të largohet edhe nga ‘Klani’ për të nisur disa projekte të reja. Revista ‘Class’ e ka zbuluar këtë lajm nga burime të brendshme të këtij televizioni. Megjithatë në ‘Klan’ është një program gatimi, “Bukë, kripë e zemër”, i drejtuar nga dy shefat e kuzhinës Alfio Rrotani dhe Indrit Çela. Ndërsa nga Arjola na duhet të presim në vijim për të zbuluar se çfarë planesh ka për projektet e reja dhe në cilin televizion do e shohim këtë herë. /revistawho.com