Nga Rudina Laka\Me shumë kilogramë më pak këngëtarja, Xhesika Polo nuk njihet me pamjen e re. Këngëtarja ka vendisur t’i nënshtrohet një ndërhyrjeje për heqjen e dhjamit e cila e ka ndihmuar të arrijë format e dëshiruara fizike.
Xhesika ka treguar për ‘revistawho.com’ detaje mbi këtë ndërhyrje, arsyet se përse e mori këtë vendim, vështirësitë e hasura pas operacionit si dhe reagimin e familjes.
(Foto përpara ndërhyrjes)
Në rrjetet sociale ke postuar video ku shfaqesh me shumë kilogramë më pak dhe ke treguar se i je nënshtruar një operacioni. Çfarë ndërhyrjeje ke kryer specifikisht?
Unë kam bërë ‘liposuction’ në pjesën e barkut dhe anesoreve, në brendësi të kofshëve dhe kurrizin, në ‘Dermo Life’. Si eksperiencë ishte shumë e bukur pasi rezultatin e shoh që tani edhe pse kanë kaluar vetëm 5 javë nga ndërhyrja dhe është akoma shpejtë për të parë rezultatin final.
Përse e more këtë vendim?
E mora këtë vendim sepse pas heqjes së ‘dopio gushës’ sinqerisht që ndjehesha shumë më mirë me veten dhe mendoj që ishte momenti i duhur për një ndryshim më të madh.
(Foto pas ndërhyrjes)
Ishte e dhimbshme si ndërhyrje?
Ishte e besdisshme javën e parë ose më saktë 4 ditët e para pasi isha e enjtur dhe mishi donte kohën e vetë për t’u shëruar. Ditën e katërt dola nga shtëpia, i hipa makinës dhe shkova në një event në të cilin isha e ftuar për të kënduar. Merret me mend se sa shpejtë jam rikuperuar. Unë e doja veten time dhe ashtu siç isha, por kjo ndërhyrje ishte dhe motivim për mua sepse tani që e shoh trupin tim në pasqyrë nuk guxoj të ushqehem keq dhe do të vrapoj për në palestër që ta mbaj këtë rezultat gjatë gjithë jetës.
Cili ishte reagimi i familjes lidhur me këtë vendim?
Familje ime më suporton për çdo gjë pasi e dinë që çdo vendim e marr të mirëmenduar. Gjithsesi mami ishte pak skeptike deri në momentin që erdhi vetë në klinikë dhe takoi Dr. Lida Hoxhën. Tani që shohin rezultatin nuk kanë më çfarë të thonë.
Sa kilogramë ke humbur në kaq javë?
Herën e fundit që u peshova para 2 javësh isha minus 9 kilogramë por isha akoma e enjtur. Rezultati final shihet në minimumi 3 muaj, kur shkon trupi në vend.\revistawho.com
