Nëse doni të mësoni diçka mbi trendet e fundit të modës, e dini se gjithmonë duhet t’i drejtoni sytë nga vajzat e famshme. Për të sjellë një imazh sa më të bukur tek publiku, personazhet e famshëm janë të detyruar që të jenë të përditësuar me trendet e fundit. Këto ditë ajo që ka rënë në sy më së shumti në veshjet e vajzave VIP është ngjyra neon. Jeshilja neon duket se është më mbizotëruese dhe pavarësisht se shihet si ngjyrë e guximshme, vajzat e njohura kanë ditur si ta kombinojnë. Përpara pak ditësh ishte Kim Kardashian ajo që u shfaq me një bluzë dhe një fund në ngjyrë neoni.
Ndërsa së fundmi edhe shqiptarja, Rita Ora duket se ka vendosur të përqafojë të njëjtin trend. Mbrëmjen e djeshme, Rita kishte veshur një fustan të shkurtër me printe leopradi dhe ngjyrë jeshile neoni për të performuar në ‘VMA’. Nga koka tek këmbët e veshur me atë ngjyrë, Rita ja rriti të kthente kokat e të gjithëve.
Edhe vajzat e tjera shqiptare, si Lori Hoxha apoEelvana Gjata i kemi parë të veshura ditët e funidt me këtë ngjyrë. Nëse nuk keni në garderobë një veshje me ngjyrë neoni, duhet të shkoni menjëherë të blini dhe ta keni të sigurt se do të dukeni shumë stil. /revistawho.com
