Ditën e djeshme u zhvillua një nga eventet më të rëndësishme të muzikës, ‘MTV Video Music Awards’. Ceremonia madhështore mblodhi emrat më të mirë të muzikës, ndër ta edhe dy këngëtaret shqiptare, Bebe Rexha dhe Rita Ora. Ndër të tjera ajo që u vu re, ishte mungesa e këngëtares tjetër me origjinë shqiptare, Dua Lipa. Këtë vit Dua ishte e nominuar në dy kategori në ‘Kënga e vitit’ dhe ‘Koreografia më e mirë’. Duke qenë se eventi është shumë i rëndësishëm, të gjithë mund të kenë menduar se Dua ka munguar për arsye shumë të forta. Në fakt nëpërmjet ‘Instagram’-it këngëtarja ka treguar hapur se ka zgjedhur vetë të mos jetë e pranishme. Prej disa ditësh, Dua ndodhet në Ibiza me miqtë e saj më të mirë dhe duket se ajo ndihet plotësisht e relaksuar. Këngëtarja shqiptare ka publikuar në ‘Instastory’ disa video në të cilat shihet se mbrëmjen e djeshme ka festuar me alkool dhe nën ritmet e muzikës së preferuar. Ndërsa ditën e sotme ajo ka treguar se është e turullosur nga pija dhe nuk mund të bashkohej me miqtë e saj që po praktikonin yoga. /revistawho.com
