Familja mbretërore shpërfill Britney Spears, refuzojnë ftesën e saj për në koncert

Britney Spears prej kohësh është cilësuar si një ndër artistet më të mira amerikane. Së fundmi, këngëtarja e njohur ka nisur një turne në Mbretërinë e Bashkuar. Britney kishte menduar që në koncertin e saj të ishte e pranishme dhe familja mbretërore, por duket se ata nuk kanë pranuar. Një burim pranë ‘Star Magazine’ ka treguar se Britney kishte nisur një kërkesë të veçantë në pallatin mbretëror, duke ftuar të gjithë pjesëtarët për në koncertin e saj. Më pas këngëtarja ngeli e shokuar kur mori një përgjigje refuzuese nga pallati mbretëror, me justifikimin se të gjithë ishin të zënë me punë. Megjithatë kjo duhet të ketë qenë edhe diçka e mirë për Britney, duke marrë parasysh se këngëtarja ka shumë probleme me veshjet gjatë koncerteve të saj dhe mbretëreshës Elizabet kjo gjë nuk do t’i pëlqente aspak. /revistawho.com