Asnjëri nuk e mendon se diku nëpër botë mund të jetë një person shumë i ngjashëm me ne. Duket se personazhet e njohur e kanë më të lehtë të zbulojnë sozinë e tyre, nëpërmjet rrjeteve sociale ose një takimi të rastësishëm. Aktori i njohur i humorit, Florjan Binaj është njohur me sozinë e tij në mënyrë virtuale përmes një fotografie të dërguar në rrjete sociale. Ai ka publikuar në ‘Instagram’ fotografinë e sozisë së tij dhe kushdo që e shikon për herë të parë mund të mendojë se është një fotografi e Florit nga vitet e shkuara. Në fakt është thjesht një turist i huaj që ka një ngjashmëri të ‘frikshme’ me aktorin. E vetmja gjë që i dallon të dy nga njëri-tjetri janë flokët. “Ky është ai rasti kur natyra (ose Zoti) përton të bëjë diçka të re, por përdor të njëjtin kallup në vende të ndryshme”, – ka shkruar Florjani. Përshkrimi i aktorit është i duhuri dhe ne nuk kemi çfarë t’i shtojmë më tepër. /revistawho.com
