Në datat 7,8 dhe 9 shtator do të mbahet në Ulqin festivali ndërkombëtar “Belcanto Dolcinio”. Pjesë e tij do të jenë emra të rëndësishëm të muzikës klasike dhe vendi ynë do të përfaqësohet nga sopranoja e madhe, Inva Mula. Inva do të performojë së bashku me mikun e saj pianistin virtuoz, Genc Tukiçi në ditën e mbylljes më 9 shtator. Festivali do të mbahet në pjesën e vjetër të qytetit dhe të gjithë do të kenë mundësi të dëgjojnë zërin brilant të Invës.
Ky është viti i tretë që koncerti mbahet në Ulqin dhe ideja e realizimit është krijuar nga fondacioni kulturor shqiptaro-amerikan me qellim për të çuar muzikën klasike në këtë vend bregdetar./revistawho.com
