Sezoni veror është gjithmonë shumë i ngjeshur për këngëtarët, duke qenë se duhet të udhëtojnë nga një vend në tjetrin për koncerte të ndryshme. Ashtu si çdo vit tjetër edhe kjo verë e 2018-ës ka qenë e mbushur me angazhime të shumta për këngëtarët shqiptarë. Pavarësisht se në shumë raste duhet të jenë pothuajse çdo ditë nëpër koncerte për të kënduar, ata shfaqen gjithmonë në formë. Ndoshta është profesioni që u jep energji dhe adrenalinë. Megjithatë një pushim është gjithmonë i nevojshëm për t’u rikthyer me ide të reja, gjithnjë e më kreative. Tashmë sezoni i koncerteve është drejt fundit dhe këngëtarët e shohin këtë periudhë si kohën më të mirë t’u relaksuar. Një pjesë e madhe e tyre kanë nisur pushimet me personat më të afërt dhe larg Shqipërisë. Kjo është mënyra e duhur për të gjetur qetësinë dhe për të mbledhur forcat për sezonin e ardhshëm. /revistawho.com
