Këngëtari Dafi Derti ka dhënë ditën e sotme një intervistë për ‘Panorama Plus’. Sigurisht një pjesë shumë e rëndësishme e bisedës i është kushtuar marrëdhënies me bashkëshorten Silva Gunbardhi dhe karrierës së tyre. I pyetur për martesën, si po shkojnë gjërat mes tij dhe Silvës, Dafi tregon: “Martesa midis dy këngëtarëve si ne është shumë Ok. Normal kemi dhe ne ndonjëherë mosmarrëveshjet tona në lidhje me muzikën, ama përgjithësisht shkon shumë mirë”.
Ndërsa kur vjen puna tek fitimet, këngëtari përfiton nga hapësira që i jepet për të sqaruar publikun në lidhje me këtë çështje. “Mirë që më dolët pak në këtë temë se dua ta sqaroj një herë e mirë, se na dolën dhe ca portale duke thënë që ‘Silva fillon punë kameriere’, vetëm se bëri një foto me përparëse dhe dy shishe verë, pas një dreke në restorantin më të mirë në botë. Dhe duke u bazuar në disa intervista, ku në fakt Silva është shprehur në mos gaboj dikur te një intervistë me ju, ku ka sqaruar që është e vështirë jetesa në Shqipëri dhe ka treguar vështirësitë që has çdokush në jetë. Ama nuk ka deklaruar që “jam e varfër”, por janë disa portale që i transformojnë lajmet. E si mund të quhet e varfër një nga këngëtaret që ka këngën më të klikuar shqiptare, është në turne çdo kohë dhe është një ndër këngëtaret më të paguara në vend?! Flas për këtë pjesë, sepse jam vetë unë ai që i menaxhoj të gjitha datat”,-ka thënë Dafi. Dy këngëtarët janë prindër të një djali që quajtur Dalvi./revistawho.com
