Aktori i njohur i ‘Portokalli’, Florjan Binaj dhe bashkëshortja e tij, Sadina kanë një histori të gjatë dashurie. Ata janë takuar para 16 vitesh teksa studionin në ‘Lice’ dhe prej asaj kohe vazhdojnë të duhen si ditën e parë. Në një intervistë për revistën “Bordo” dyshja kanë treguar historinë e bukur të dashurisë. I pyetur si nisi marrëdhënia e tyre, Flori tregoi se ai gjithmonë e ka menduar Sadinën si bashkëshorten e tij.
“Nisi si çdo histori dashurie. U pëlqyem që në shikimin e parë, madje unë mendoja se na kishin sjellë të dyve në atë shkollë pikërisht për këtë qëllim, që ne të ishim bashkë! Ndodh që krijon në kokë një stereotip të personit që do të kalosh jetën dhe ‘fap’, të del përpara. Besoj ishim të dy me fat që gjetëm njëri tjetrin”,- shprehet aktori.
Flori dhe Sadina janë prindër të dy fëmijëve, Krena dhe Glauk./revistawho.com
