Jemi mësuar që personazhet e njohur gjithmonë t’i shohim të kuruar në detaje në daljet publike. Madje dhe në rrjetet e tyre sociale gjithçka duket perfekte, duke filluar që nga veshja apo kujdesi i madh që i kushtojnë trajtimit të flokëve apo trupit. Por pas ‘Instagram’-it dhe botës plot drita të ekranit, për personazhet e njohur ekziston një jetë normale si të gjithë njerëzit e thjeshtë. Tërësisht origjinale, pa ‘make up’, me flokë të kapur thjesht kështu duken vajzat e ekranit larg botës virtuale. Këtë gjë mund ta tregojnë qartë fotografitë e këngëtares Beatrix Ramosaj. Beatrix është fotografuar nga ‘paparazzi’ i ‘Panorama’ duke shijuar ditët e pushimit në bregdet. Këngëtarja duket shumë e thjeshtë dhe perfekte me origjinalitetin e saj.
Kjo është forma më e mirë për të treguar se të gjithë kemi pothuajse të njëjtën mënyrë jetese dhe e rëndësishme është të ndihemi mirë me veten në çfarëdolloj forme. /revistawho.com
