Trendet e dietave ndryshojnë shpesh dhe për këtë arsye mënyra më e thjeshtë për t’u dobësuar është ndryshimi i kuzhinës. Një studim ka zbuluar se ndryshimet e vogla në kuzhinë, duke filluar nga madhësia e pjatave deri tek gjërat që mbani në dollapin tuaj, mund të ndikojnë në peshë. Madje dhe rregullimi i hapësirës ku gatuani mund të ndihmojë në humbjen në peshë.
Studimi i kryer ka zbuluar se në rastet kur vendi i pijeve dhe ushiqmeve ishin pranë njëri-tjetrit, njerëzit kishin më shumë gjasa të shtonin një kile yndyrë më shumë. Për të shmangur këtë gjë duhet që të krijoni një vend të posaçëm në fillim të kuzhinës për të marrë ujin pa kaluar përpara ushqimeve që mund t’u tundojnë. Gjithashtu duhet të filloni që ushqimet t’i konsumoni me masë ose porcione. Mund të blini enë të ndryshme kuzhine që kanë masë të përcaktuar. Filloni ta përdorni frigoriferin tuaj si një rikujtim për një jetesë të shëndetshme. Mund të varni në të shënime si: “Sot jam i përqëndruar në zgjedhjen e ushqimeve të shëndetshme”. Zëvëndësoni ushqimet jo të shëndetshme me copëza perimesh, frutash, kos grek ose peshk. /revistawho.com
