Sezoni i ri i ‘Wake Up’ në Top Channel ka nisur me një të ftuar special. Këngëtari shqiptar Eugent Bushpepa ka qenë i ftuari i parë në emisionin e mëngjesit, ku ka zgjedhur të tregojë një detaj shumë interesant për familjen e tij.
Nëse keni vrarë mendjen nga e ka të trashëguar talentin, Eugenti ka zbuluar gjithçka sot. “Gjyshja ime ka punuar si vajtuese. Thirrej nga njerëzit, sidomos nga njerëzit e babit nëpër ceremoni mortore. Babi më thotë gjithmonë se asaj i ngjaj”,- tregoi Eugenti. Ndërsa kur vjen puna te projektet muzikore, këngëtari zbuloi se në dhjetor do publikojë një këngë të re, pasi jeta e natës kohët e fundit i merr shumë kohë dhe e ka larguar nga studio./revistawho.com
