Siç është thënë edhe më herët, moti për këtë shtator do të jetë i ngrohtë. Të gjithë janë në pritje të freskisë që ofron vjeshta, por edhe për pak ditë duket se nuk do e ndjejmë.
Për të gjithë ata që kanë parashikuar pushimet e tyre përgjatë 10 ditëshit të dytë të muajit, sinoptikanët japin lajmin e mirë. Sipas “Meteoalb” parashikohet që kjo periudhë të jetë shumë e favorshme për pushime pasi temperaturat do të vazhdojnë ende të jenë të larta.
Dy javët në vijim do të mbeten kryesisht të kthjellëta, me vranësira të përkohshme gjatë pasditeve, ndërsa shira lokalë priten vetëm gjatë periudhës 15-20 shtator, kryesisht në ekstremet veri-juglindje. Ndërkohë më pak të rrezikuara paraqiten zonat lindore dhe qendrore. “Meteoalb” njofton se temperaturat do të mbeten të larta, mesatarisht 4°C mbi vlerat tipike të fillimit të vjeshtës./revistawho.com
