Ori Nebiaj dhe Renato Mekolli janë dy emra të njohur në sferën televizive. Përveç aspektit profesional moderatorja dhe shefi i kuzhinës kanë qenë miq të mirë dhe ortakë në biznes derisa disa muaj më parë u zbulua se marrëdhënia mes tyre ishte prishur.
Ori deklaroi se arsyeja ka qenë restoranti që zotëronin së bashku, nga i cili moderatorja ka hequr dorë.
Ditën e sotme për herë të parë pas shumë kohësh dy ish-miqtë e ngushtë janë takuar në studion e ‘Wake Up’. Ori ka mirëpritur Renaton si të ftuar special mëngjesin e sotëm. Ai ka zbuluar detajet për emisionin e ri që do të nisë në ekranin e ‘Top Channel’, “Hell’s Kitchen”. Të dy kanë qenë shumë të dashur dhe të qeshur me njëri-tjetrin dhe duket se gjithçka ka mbetur në të shkuarën./revistawho.com
