Reperi Mozzik dhe partnerja e tij Loredana ditën e djeshme kanë publikuar në platformën ‘Spotify’ bashkëpunimin e tyre të parë. ‘Bonnie & Clyde’ quhet kënga e tyre dhe pritet që pas saj të vijnë dhe shumë të tjera, ashtu siç ka deklaruar vetë Mozzik. Duke qenë se Loredana dhe Mozzik jetojnë jashtë, ata kanë dhënë një intervistë për gazetën zviceriane, ’20 Minuten’, për bashkëpunimin dhe planet për të ardhmen. Loredana ka treguar se bashkëpunimi me Mozzik për këngën e tyre të parë ishte menduar shumë kohë më parë. Gjithashtu ajo ka shtuar se këtë vit nuk do të japin më koncerte, sepse duan të merren me këngët e reja dhe të përgatiten për albumin e Loredanës. Partnerja e reperit shqiptar ka thënë se nuk është keq të punojë me Mozzik, sepse ata shpenzojnë 24 orë bashkë si çift dhe tanimë edhe në punë. “A mund të ketë më mirë se sa të kesh të njëjtat qëllime me të dashurin tënd?”, – ka shtuar Loredana. Ndërsa Mozzik ka thënë me shaka se Loredana tani nuk e lejon të bashkëpunojë me asnjë koleg tjetër. /revistawho.com
