Artistët shqiptarë po bëhen gjithmonë e më të njohur në arenën ndërkombëtare. Një nga reperët më të suksesshëm është edhe Gashi, i cili jeton në SHBA, por nuk e ka mohuar kurrë origjinën e tij kosovare. Madje ai e thotë me krenari në çdo dalje të tij publike. Së fundmi ai ka qenë i ftuar në “MTV TRL”, emision i gazetarit të njohur Sway. Teksa është pyetur për shqiptarët dhe suksesin e tyre, Gashi ka dhēnë këtë përgjigje: “Njerëzit po na njohin gjithmonë e më shumë. Dua Lipa është shqiptare. Një tjetër artiste që bën shumë për komunitetin dhe që ne e duam, Bebe Rexha, vjen prej andej. Gjithashtu Rita Ora. Jemi bërë si Avengers. Jam shumë krenarë që të gjithë jemi duke bërë kaq mirë. E di, ne kemi ardhur nga asgjë dhe duam të marrim gjithçka. Secili kemi historitë tona familjare e kemi sakrifikuar shumë”.
