“Bixhoz me dashurinë” është seriali që po transmetohet aktualisht në Shqipëri e që po ndiqet shumë nga publiku. Ky serial ka nisur transmetimin në Indi në vitin 2016 dhe prej dy vitesh është transmetuar rregullisht në kanalin indian Star plus. Vetëm pak ditë më parë seriali arriti plot 600 episode. Së fundmi mediat indiane shkruajnë se “Bixhoz me dashurinë” i ka ardhur fundi dhe po xhirohen episodet e fundit. Në artikullin e publikuar nga një media indiane shkruhet se seriali do të përfundojë nga fundi i këtij viti. Ndërsa teleshikuesit shqiptar të këtij seriali nuk duhet të shqetësohen pasi jemi ende në episodet 200 dhe seriali do vazhdojë transmetimin në TV Klan./revistawho.com
‘Bixhoz me dashurinë’ i vjen fundi, mbyllen xhirimet e serialit indian
